گلگت بلتستان میں آگئے ہیں عوام کی قسمت بدل دیں گے، الطاف حسین

لندن (کے ٹو) متحدہ قومی موومنٹ کے قائد الطاف حسین نے کہاہے کہ ملک میں گیس کی لوڈشیڈنگ پنجاب میں سی این جی اسٹیشن بند کرنے کافیصلہ بڑی زیادتی کی بات ہے ۔ انہوں نے یہ بات آج ایک ٹی وی انٹرویومیںکہی۔ الطاف حسین نے ملک خصوصاً پنجاب کے کسانوں اورمزدوروں کومخاطب کرتے ہوئے کہاکہ ایم کیوایم انہیں بڑے بڑے جاگیرداروں اوروڈیروں کے مظالم اورزیادتیوں سے نجات دلائے گی،ایم کیوایم کی حکومت آئی توپاکستان اورپاکستان کے عوام کی قسمت بدلے گی،پھرکوئی قومی خزانہ نہیں لوٹ سکے گااوربینکوں سے اربوں کھربوں روپے کے قرضے لیکرہڑپ نہیں سکے گااورخزانہ لوٹنے والوں سے لوٹی ہوئی دولت واپس لیکرقومی خزانہ میں جمع کی جائے گی۔ گلگت بلتستان میں ایم کیوایم کی بڑھتی ہوئی مقبولیت اورانتخابی سرگرمیوں کے بارے میں الطاف حسین نے کہاکہ سچ کوپھیلنے میں دیرلگتی ہے مگرسچ ہی پھیلتاہے، انشاءاللہ پاکستان میں غریب ومتوسط طبقہ کی حکمرانی کاسورج طلوع ہوگا،ایم کیوایم اب گلگت بلتستان میں بھی آچکی ہے،انشاءاللہ اب گلگت بلتستان کے عوام کی بھی قسمت بدلے گی اوراس کے ساتھ ساتھ بلوچستان ، سندھ ، سرحداورپنجاب کے عوام کی حالت بھی بدلے گی،ایم کیوایم مظلوم عوام کاسہارابنے گی،محروم عوام کوان کے حقوق دلائے گی اورپاکستان کولوٹنے والوں کی گرفت ہوگی

مبارک نقوانی اپنے ساتھیوںسمیت ایم کیوایم میںشامل ہوگئے

کراچی(کے ٹو) لشکر انقلاب آرگنائزیشن سکردو بلتستان کے صدر مبارک علی نقوانی خپلو ڈینس کراچی جنرل سیکرٹری محبوب علی شگری کراچی نے اپنے اہم کارکنوں سمیت 300نوجوانوں کے ساتھ نائن زیرو کراچی میں ایم کیوایم میں باقاعدہ شمولیت کااعلان کیا اس موقع پر متحدہ قومی موومنٹ کے وزراءسمیت دیگر اہم کارکنان بھی تھے مبارک علی نقوانی نے اپنے خیالات کااظہارکرتے ہوئے کہاکہ یہ لشکر انقلاب آرگنائزیشن متحدہ کے ہاتھوں میںہاتھ دے کر بلتستان میںایک نیا چراغ روشن کرے گی انہوںنے کہاکہ ہم الطاف بھائی کواپنی جان دینے سے بھی دریغ نہیں کرینگے اوروہ وقت دور انشاءاللہ دورنہیں کہ متحدہ قومی موومنٹ کے جھنڈے نہ صرف سکردوبلتستان میں نظرآئیںگے بلکہ سیاچن اور کے ٹو کے پہاڑوں پرمتحدہ کاجھنڈااورالطاف بھائی کانام ہوگا آخر میں صوبائی وزیر صحت ڈاکٹر صغیر احمد، فیصل سبزواری اور حسین احمد اوردیگر تمام وزراءاورکارکنوں نے لشکر انقلاب آرگنائزیشن کے صدر مبارک علی نقوانی اوردیگر تمام جوانوں کاتہہ دل سے شکریہ اداکیا اور ہرممکن تعاون کااعلان کیا

کراچی میں گلگت بلتستان کے کئی محلے جدید سہولتوںسے محروم

کراچی( کے ٹو)کراچی کے کئی گلگت بلتستان کے محلہ جات جدبدسہولتوں سے محروم ہیں مگرحکومتی حلقے محض دعوﺅں کے سوا کچھ نہیں کررہے ہیں گارڈن اے بی سینالائن ،کورنگی، چشتی نگر پہاڑگیج اورمیٹروویل کے علاقوں میںگلگت بلتستان کے لوگ بنیادی سہولتوں کوترس رہے ہیں لیکن ذمہ دارحکام نے چپ سادہ لی ہے پکی سڑکیں اعلیٰ تعلیمی ادارے اورپینے کاصاف پانی میسرنہ ہونے کے باعث لوگ سنگین مشکلات سے دوچارہیں محمودآباد منظورکالونی، اے بی سینالائن کورنگی، چشتی نگر، میٹرویل، گارڈن اورپہاڑگنج کے مکینوں نے کہا کہ حکمران ہمیں سہولتیں فراہم کرنے کے سلسلے میں ہرگزمخلص نہیں ہیں سہولتوں کے فقدان کے باعث ہمیں کافی مشکلات پیش آرہی ہیں پکی سڑکیں پینے کاصاف پانی اوراعلیٰ تعلیمی ادارے نہ ہونے کے باعث عوام میں تشویش پائی جاتی ہے جراثیم ملے پانی کے استعمال سے پیٹ کی بیماریاں عام ہورہی ہیں اورسڑکیں نہ ہونے کی وجہ سے لوگوں کوآمدورفت میںکافی دقت کاسامنا کرناپڑرہاہے انہوں نے کہا کہ مختلف محلہ جات میںتعلیمی ادارے موجود نہ ہونے کے باعث بچے حصول تعلیم سے محروم ہیں مگرحکومت سے جب اس بارے میں شکایت کی جاتی ہے توجھوٹی تسلیاں جی جاتی ہیں لیکن عملی اقدامات نہیں اٹھائے جاتے

گلگت بلتستان کے حقوق کامقدمہ لڑوںگا، نوازشریف

چلاس(کے ٹو)قائدمسلم لیگ وسابق وزیراعظم میاں محمدنوازشریف نے گلگت بلتستان کے عوام کے حقوق کامقدمہ خود لڑنے کااعلان کرتے ہوئے کہا ہے کہ خطے کے عوام کی ترجمانی مسلم لیگ ن کرے گی اورحقوق کی حفاظت خودکروں گاملک وقوم کی خوشحالی اورتعمیروترقی کیلئے قربانیاں دینے والے محب وطن متاثرین دیامرڈیم کومطمئن کرکے ڈیم کی تعمیرکاآغازکیاجائے گا گلگت بلتستان کے طلبہ کوپنجاب بھرکے پیشہ ورانہ کالجوں میںکوٹہ دگناکیاجائے گااورانہیں مفت رہائش اورداخلہ بھی دیاجائے گا گندم کوٹے میںاضافہ کیلئے وزیراعظم اوروزیراعلیٰ پنجاب سے خصوصی بات کروں گاان خیالات کااظہارانہوں نے یہاں ایک بہت بڑے عوامی جلسہ عام سے خطاب کرتے ہوئے کیاانہوں نے کہا کہ گلگت بلتستان سونا اگل رہا ہے اللہ نے موقع دیا توخطے کی تقدیربدل دوںگاانہوں نے کہا کہ گلگت بلتستان میںفروٹ انڈسٹری ،سیاحت کے فروغ کے بجلی پیداکرنے کے وسیع ذخائرموجود ہیں اگراس کوبروئے کارلایاجائے تویہاں سے بیروزگاری کاخاتمہ ہوگا انہوں نے کہا کہ اپنے دورمیں اقتصادی میدان میں بھرپورکام کیااوردفاع کوبھی مضبوط بنایادنیا نے ایٹمی دھماکے نہ کرنے کامشورہ دیا لیکن ہم نے عوام کی امنگوں کی ترجمانی کرتے ہوئے ایٹمی دھماکہ کردیاآج اللہ کے فضل سے کوئی بھی وطن عزیز کومیلی آنکھ سے نہیں دیکھ سکتا انہوں نے کہا کہ کشمیرکامسئلہ بھی عوام کی خواہشات کے مطابق حل ہوگاانہوں نے کہا کہ انسان کوتکبرنہیں کرنا چاہیے جس کابہت بڑا نقصان ہوتا ہے پرویزمشرف ابتدا میں دکھاکرکمانڈوہوں کہہ رہا تھا آج وہ کہاں ہے انہوں نے کہا کہ این آراوکے سخت خلاف ہیں آئین توڑنے والوں کومعاف نہیںکیاجائے گاموجودہ حکومت کوعوام نے تبدیلی کیلئے ووٹ دیا ہے لیکن ابھی تک معاف نہیںکیاجائے گاموجودہ حکومت کوعوام نے تبدیلی کیلئے ووٹ دیاہے لیکن ابھی تک مشرف والا نظام چل رہا ہے ہماری خواہش ہے کہ موجودہ حکومت اپنے پانچ سال پورا کرے گاکہ جمہوریت چلتی رہے انہوں نے کہا کہ 12نومبرکوعوام مسلم لیگ ن کے امیدواروں کوووٹ دیکرکامیاب بنائیں مسائل خودبخودحل ہونگے جلسے سے سابق امورکشمیرگلگت بلتستان وممبرقومی اسمبلی سردارمہتاب احمدخان، جنرل (ر)صلاح الدین ترمذی حافظ حفیظ الرحمن امیدوارحلقہ ون دیامرحاجی غندل شاہ ،حلقہ دوحاجی جانبازخان، حلقہ نمبرچارحاجی محمدوکیل نے بھی خطاب کیااس موقع پرصدرمسلم لیگ ن دیامرعبدالوحیدنے خطبہ استقبالیہ پیش کیااس موقع پرسکیورٹی کے سخت انتظامات کئے گئے تھے پاکستان میںآج بھی مشرف والا نظام چل رہا ہے ملک میں باربارمارشل لاءلگتا رہا قانون کی حکمرانی ٹوٹتی رہی عدلیہ پرشب خون ماراگیا جس معاشرے میںانصاف نہیں ہوتا وہ معاشرہ ترقی نہیں کرسکتاملک میں آئین اورقانون کی بالادستی اورعوام کوسستے انصاف کی فراہمی کیلئے جدوجہد کررہے ہیں انہوں نے کہا 1973کا آئین اپنی اصل روح کے مطابق بحال ہونا چاہیے این آراوکے معاملے میں مکمل سٹینڈلیازرداری نے یہ معاملہ روک کراچھاکام کیاگلگت بلتستان کیلئے ماضی میں کئی اہم ترقیاتی منصوبے دئیے کاغان بابوسرتک تھک ویلی سڑک ہم نے بنوائی انشاءاللہ شاہراہ کی تکمیل سے معاشی انقلاب برپاہوگاانہوں نے کہا کہ گلگت بلتستان کے لوگ محب وطن ہیں پاکستان کے دفاع اورسلامتی کے ضامن ہیں اللہ تعالیٰ نے موقع دیا توپوری طاقت سے بھرپورخدمت کریں گے عوام کے تمام جائزحقوق دلائیں گے گلگت بلتستان کے عوام12نومبرکومسلم لیگ ن کے امیدواروں کوکامیاب کروائیں مسلم لیگ (ن) کے قائد میاں نواز شریف نے کہا ہے کہ گلگت بلتستان کے انتخابات شفاف اور آزادانہ ہونے چاہیں ترقیاتی کام ہمیشہ فرض سمجھ کر کرتے ہیں کبھی مفاد پرستی کیلئے کام نہیں کیا گلگت بلتستان سے ٹیکنیکل ایجوکیشن حاصل کرنے کیلئے پنجاب آنے والوں سے فیس نہیں لی جائے گی استور میں عوامی اجتماع سے خطاب کرتے ہوئے انہوں نے پنجاب میں میڈیکل کالجوں میں بھی گلگت بلتستان کا کوٹہ دگنا کرنے اور زرعی یونیورسٹی میں پچاس نشستوں کا اضافہ کرنے کا بھی اعلان کیا

دفعہ 144کی خلاف ورزی پر 11قوم پرست لیڈر اورکارکن گرفتار

گلگت(کے ٹو) یکم نومبر یوم آزادی گلگت بلتستان کے جلسے کے انتظامات میں مصروف کرنل(ر) نادر حسن کرنل (ر) وجاہت حسن اور8اہم رہنماﺅں سمیت 11 کارکن گرفتار کرلیے گئے ہیں گلگت پولیس اور انسداددہشت گردی فورس نے گلگت بلتستان ڈیموکریٹک الائنس کودفعہ144 کی خلاف ورزی کے الزام میں حراست میں لیا ہے ہفتہ کی شام 5 بجے جی بی ڈی اے سے تعلق رکھنے والے سیاسی جماعتوں کے کارکنوں نے گھڑی باغ چوک میں جشن آزادی گلگت بلتستان کے جلسے کیلئے سٹیج تیار کرنے میں مصروف تھے کہ پولیس نے ان کارکنوں کو ضلعی انتظامیہ کے فیصلے آگاہ کرتے ہوئے کہاکہ گھڑی باغ کے مقام پر جلسہ کرنے پر پابندی ہے جس پر جی بی ڈی اے کے کارکنوں اور رہنماﺅں کی بڑی تعداد جمع ہوگئی اور اس دوران پولیس اور قوم پرست رہنماﺅں اور کارکنوں کے مابین تلخ کلامی اور ایک دوسرے کو دھکے دینے کا سلسلہ جاری رہا اس دوران جی بی ڈی اے کے کارکنوں نے گھری باغ میں احتجاجی دھرنا دیا اور اس مقام پر احتجاجی تقریروں کا سلسلہ شروع کیا اور مقررین نے الزام لگایا کہ ضلعی انتظامیہ گلگت اور حکومت جشن آزادی منانے پر پابندی لگارہی ہے اس دوران مقامی انتظامیہ پولیس اور جی بی ڈی اے کے رہنماﺅں کے مابین مذاکرات کا سلسلہ جاری رہا مگر مذاکرات نتیجہ خیز ثابت نہ ہوئے اور ڈھائی گھنٹہ بعد ہفتہ کی رات تقریباً ساڑھے سات بجے ڈی ایس پی سٹی جہانگیر شاہ اور انسداددہشت گردی فورس نے جی بی ڈی اے کے رہنماﺅں کی گرفتاری کا حکم سنایا جس پر کرنل(ر) نادر حسن سمیت جی بی ڈی اے کے دیگر رہنما جن میں وجاہت حسن خانانجینئر امان اللہ خان وزیر شفیع ایڈووکیٹ ممبر ضلع کونسل گلگت محمد جاوی جی بی ڈی اے کے قانون ساز اسمبلی کے حلقہ 2,1 اور3کے نامزد امیدواران شاہد حسین عمرفاروق ایڈووکیٹ اور افسرجان کے علاوہ 11لیڈر اور کارکن نعرے لگاتے ہوئے تھانہ سٹی تک ریلی کی صورت میں گئے اور گرفتاری دیدی تھانہ سٹی گلگت کے اندر داخل ہونے کے بعد بھی جی بی ڈی اے کے رہنماﺅں اور کارکنوں نے نعرے لگاتے رہے ان رہنماﺅں کی گرفتاری کیخلاف جی بی ڈی اے کے درجنوں کارکنوں نے ہنزہ چوک سے احتجاجی مظاہرہ کیا اور مقامی انتظامیہ اور پولیس کیخلاف نعرے لگاتے ہوئے ائیرپورٹ چوک تک گئے اور واپس نعرے لگاتے ہوئے واپس کرنل حسن مارکیٹ تک آئے جی بی ڈی اے نے اتوار کے روز بھی احتجاجی مظاہرے کرنے کا اعلان کیا ہے جن افراد کو گرفتار کیا گیا ہے ان کے خلاف ایف آئی آر درج کرلی گئی اور گرفتار ہونے والے افراد کوتھانہ سٹی سے کینٹ تھانہ منتقل کردیدفعہ 144کی خلاف ورزی پر 11قوم پرست لیڈر اورکارکن گرفتار

سیاسی جماعتوں کی طرف سے عوام کوسبز باغ دکھانے کاسلسہ جاری

گلگت(کے ٹو)قانون سازاسمبلی گلگت بلتستان کے انتخابات قریب آتے ہی مختلف سیاسی جماعتوں کے قائدین نے علاقے کارخ کرلیاعوام کوسبزباغ دکھانے کاسلسلہ شروع 12نومبرکوہونے والے قانون سازاسمبلی کے الیکشن میںاپنی جماعت کے امیدواروں کی کامیابی کویقینی بنانے کیلئے مختلف جماعتوں کے قائدین نے گلگت بلتستان میںڈیرے ڈالنے شروع کردئیے یکم نومبرسے سیاسی شخصیات کی آمد کاسلسلہ مزیدتیزہورہاہے قانون سازاسمبلی کے انتخابات کے حوالے سے متحدہ قومی مومنٹ جماعت اسلامی ،جمعیت علمائے اسلام اورعوامی نیشنل پارٹی کے رہنما گذشتہ کئی روزسے گلگت بلتستان کے مختلف اضلاع کے طوفانی دورے کررہے ہیں تودوسری طرف دونومبرسے مسلم لیگ نواز،پاکستان پیپلزپارٹی اورمسلم لیگ ق کے سینئر رہنما وفاقی وزرا اورممبران قومی اسمبلی وسینٹ وقفے وقفے سے گلگت بلتستان آرہے ہیں انتخابات میںانہی جماعتوں کے امیدواروں کوکامیاب بنانے کیلئے سیاسی اجتماعات میںعوام کوسبزباغ دکھانے کاسلسلہ زورپکڑتاجارہاہے دلچسپ پہلویہ ہے کہ اندرون ملک سے آنے والے سیاسی شخصیات کواس خطے کی حیثیت سے ہی مکمل طورپرآگاہی نہیں ہے اوروہ جوش خطاب میںایسے ایسے دعوے کرتے دیکھائی دیتے ہیں جن سے یہ ظاہرہوتا ہے کہ ابتک اس خطے سے ملکی سیاست دان صحیح معنوں میں آگاہ نہیں ہیں

ایم ڈی نیٹکو کوگرفتارکرکے پیش کیاجائے ،عدالت کاحکم

گلگت(کے ٹو) ایم ڈی نیٹکو ظفر اقبال کے خلاف توہین عدالت کے تحت وارنٹ گرفتاری جاری کردیئے سول جج نمبر ایک گلگت راجہ منہاج کی طرف سے جاری ہونے والے وارنٹ گرفتاری میں پولیس کو حکم دیا گیا ہے کہ ظفر اقبال کو گرفتار کرکے عدالت میں پیش کیاجائے ظفر اقبال کے خلاف توہین عدالت کے ارتکاب کی درخواست امجد حسین ایڈووکیٹ نے دائر کی جس میں انہوں نے موقف اختیار کیا کہ میرے موکلان راجہ صفت آنوس محمد یعقوب ہادی علی اور سید شمس الدین ناردرن ٹرانسپورٹ کارپوریشن میں مختلف عہدوں پر تعینات تھے کہ انہیں ملازمت سے نکالنے کی اطلاع پر8 اکتوبر2009ءکو عدالت سے حکم امتناعی حاصل کرلیا گیا9 اکتوبر کو ایم ڈی نیٹکو نے عدالتی سمن کو وصول کرکے مہر کے ساتھ باقاعدہ تحریری دستخط بھی کیا مگر اگلے ہی روز یعنی10اکتوبر کو ایم ڈی نیٹکو نے عدالتی حکم امتناعی کو نہ صرف نظر انداز کیابلکہ عدالت سے رجوع کرنے کی پاداش میں انتقامی کارروائی کا بھرپور مظاہرہ کرتے ہوئے ادارے کے چاروں سینئر افسروں کو یک جنبش قلم ملازمت سے برطرف کردیا امجد حسین ایڈووکیٹ کی اس درخواست پر سول جج نمبر ایک گلگت راجہ منہاج نے ایم ڈی نیٹکو ظفر اقبال کو توہین عدالت کے تحت پیش ہوکر اپنا موقف بیان کرنے کے لیے سمن جاری کیا مگر سمن تعمیل کرنے کے باوجود مقررہ تاریخ پر عدالت میں حاضر نہ ہوئے جس پر سول کورٹ نے ایم ڈی نیٹکو کے وارنٹ گرفتاری جاری کرتے ہوئے انہیں گرفتار کرکے عدالت میں پیش کرنے کا حکم دیا

ووٹ مذہب نہیں قوم کے نام پر لے رہاہوں ، نوازناجی

گاہکوچ(کے ٹو)ہم دشمن ان لوگوں کے ہیں جنہوں نے ملک اور قوم کوتباہ کر دیا ہے تبدیلی وقت کی اہم ضرورت ہے لوگ نہ بھولیں کہ ایف سی آر کے خلاف جدوجہد میں بوبرکے عوام نے بھی جانیں دی ہیں پیکج کو ہم نے اسلام آباد میں جلایاہے پیکج میں آپ کی زمینوں پر مالیہ لگایا جائے گا میں ووٹ صرف قوم پر لے رہاہوں مذہب قبرکا ساتھی ہے ان باتوں کا اظہار مشہور ومعروف قوم پرست رہنما اوربالاورستان نیشنل فرنٹ کے قائد نواز خان ناجی نے پونیال اشکومن بوبر گاﺅں کے سٹیڈیم میں ایک عوامی اجتماع سے خطاب کرتے ہوئے کیا انہوں نے کہاکہ میڈیکل کالج کا اعلان تو وزیر اعظم نے کیا مگر کالج اے کے ڈی این کا عطا کردہ ہے انہوں نے مزید کہاکہ پیر کرم علی شاہ ہمارے بزرگ ہیں ان سے میری کوئی ذاتی دشمنی نہیں ہے بلکہ ہم تبدیلی کیلئے پرعزم ہیں تبدیلی وقت کی اہم ضرورت ہے نوازخان ناجی کے مزید کہاکہ کامیاب ہونے کے بعد حلقے میں صحت،تعلیم ، پانی اورسڑکوں کے بہترنظام کیلئے سب سے پہلے اقدامات کئے جائیںگے انہوں نے کہاکہ شیرقلع ہمیں پل تعمیرکر کے پورے حلقے کو مترم دان تک مینٹل روڈ سے منسلک کیا جائے گا جبکہ تاجکستان روڈ کی تعمیر بھی اسی حلقے سے ہی ممکن بنا دی جائے گی انہوں نے لوگوں کوکہا کہ وہ جعلی بے نظیرانکم سپورٹ پروگرام کے فارموں سے ہوہشیاررہیں مخالفین اب اپنی شکست سے خوفزدہو کر عوام کوگمراہ کرنے کی سازش کررہے ہیں ہم نے کبھی مذہب کے نام پر ووٹ نہیں مانگا بلکہ ہم نے قوم کے نام پرووٹ نہیں مانگا بلکہ ہم قوم کے نام پرووٹ مانگتے ہیں جو لوگ مذہب کو سیاست میں گھسیٹتے ہیں وہ علاقے کے حالات خراب کرنا چاہتے ہیں ہم اپنے لوگوں کی سازشوں کوخاک میں ملا دینگے

شگرمیں پیپلزپارٹی اور ایم کیوایم کے کارکنوں کے درمیان تصادم ، 4زخمی

سکردو(کے ٹو)شگر میں پیپلزپارٹی اور ایم کیو ایم کے کارکنوں کے تصادم میں 4 افراد زخمی ہو گئے ایم کیو ایم کی صورتحال رابطہ کمیٹی کے ممبر نور حسن نے کے پی این سے گفتگو کرتے ہوئے کہا ہے کہ ہم الیکشن کے لئے طے کردہ ضابطہ اخلاق کے پابند ہیں جبکہ پیپلزپارٹی ضابطہ اخلاق کی خلاف ورزی کر رہی ہے جمعہ کے روز جو تصادم ہوا اس کے ذمہ دار بھی پیپلز پارٹی کے کارکن ہیں ان لوگوں نے مقررہ حدود کی خلاف ورزی کی اور ہماری حدود میں نہ صرف وال چاکنگ شروع کر دی بلکہ ہم نے جو وال چاکنگ کی تھی اس کو مٹانا شروع کرایا جس پر ہمارے کارکن مشتعل ہو گئے ہمارے کارکن جائے واقعہ پر پہنچ گئے جب ہم نے ضابطہ اخلاق کی خلاف ورزی کرنے والوں سے پوچھا کہ تم لوگ ہماری حدود میں کیوں داخل ہو گئے تو اس پر یہ لوگ گھبرا گئے اور فرار ہو گئے انہوں نے الزام لگایا کہ وال چاکنگ کرنے والے کرایہ کے لوگ تھے جب ہم نے ان سے پوچھ گچھ کی تو یہ ڈر گئے اور بھاگتے ہوئے پیچھے مڑ کر گالیاں دیں تو اس پر ہمارے کارکن مشتعل ہو گئے اور ہم نے ان کا تعاقب کیا ادھر پیپلزپارٹی نے کہا ہے کہ ہمارے کارکن ژ ھے تھنگ میں وال چاکنگ کر رہے تھے کہ ایم کیو ایم کے پاس کے قریب کارکن گاڑیوں میں آئے اور ہمیں وال چاکنگ کرنے سے روکا اس کے بعد ہم جب ژھے تھنگ واپس آ رہے تھے گیانگ پی میں ایم کیو ایم کے کارکنوں نے ہمارا راستہ روکا اور زبردست پتھراﺅ شروع کر دیا جس کے نتیجے میں کئی گاڑیوں کے شیشے ٹوٹ گئے تا ہم ہمارے کارکن جان بچا کر نکلنے میں کامیاب ہو گئے انہوں نے کہا کہ اس وقت شگر خاص نوگوایریا بنا ہوا ہے پیپلزپارٹی نے الزام لگایا ہے کہ پولیس خاموش تماشائی بنی ہو ئی ہے اور ایم کیو ایم کا ساتھ دے رہی ہے

پیپلزپارٹی کے ٹکٹ رشوت لے کر دئےے گئے ، حفیظ الرحمن

گلگت( کے ٹور)مسلم لیگ(ن)گلگت بلتستان کے صدر حافظ حفیظ الرحمان نے کہا ہے کہ حکومت نے انتخابات میں دھاندلی کا منظم منصوبہ تیار کر رکھا ہے ابھی سے سیاسی ضرورت کے تحت سرکاری ملازمین کا تبادلہ شروع کر دیا گیا ہے ریاستی دارے پی پی پی کو دھاندلی کے ذریعے کامیاب بنانے کیلئے عملی طور پر کام کر رہے ہیں وہ یہاں گلگت پریس کلب میں پریس کانفرنس سے خطاب کر رہے تھے انہوں نے کہاکہ جنرل مشرف کے دور میں انتخابات کے دوران پنجاب میں دھاندلی کا ریکارڈ قائم کرنے والے شخص کو گلگت بلتستان کا چیف الیکشن کمشنر لگایا گیا ہے جبکہ انتخابات کے انعقاد کا مشکل ترین کام اور انتظامات الیکشن کمشنر تیار کر چکا ہے اور اب چیف الیکشن کمشنر کریڈٹ لینے آئے ہیں انہوں نے کہا کہ ماضی میں ریاستی اداروں کے ذریعے (ن)لیگ کو دیوار سے لگایا گیا راتوں رات مسلم لیگ(ق)بنائی گئی اور امیدواروں کو زبردستی اور مختلف لالچ دے کر پارٹی بدلنے پر مجبور کیا گیا حافظ حفیظ الرحمان نے کہا کہ پی پی پی کے ٹکٹ رشوت اور سفارش کی بنیاد پر دیئے جس کی مثال حلقہ نمبر 2 گلگت ہے جہاں اس بنیاد پر ایک ایسے شخص کو ٹکٹ دیا گیا ہے کہ اس کے پاس شاہین ہوٹل اور سرمایہ ہے جبکہ اسی حلقے میں پی پی پی سے 20 سالوں سے وابستہ نظریاتی کارکنوں کو اس لئے ٹکٹ نہیں دیا گیا کہ ان کے پاس شاہین ہوٹل نہیں تھا انہوں نے کہاکہ حلقے کے درودیوار پر ابھی تک یہ نعرے درج ہیں کہ کتاب اور اسلامی نظام کیلئے ووٹ دو اور ابھی وہی لوگ ایک سیکولر جماعت کا حصہ بن گئے ہیں مسلم لیگ (ن)کے مرکزی عہدیداروں کے ہمراہ پریس کانفرنس سے خطاب کرتے ہوئے حافظ حفیظ الرحمان نے کہا کہ حلقہ نمبر ایک سے (ن)لیگ نے جعفر اللہ خان کونامزد کیا ہے اوران کیلئے دیگر3 امیدواروں نے دستبردار ہوتے ہوئے ان کی بھرپور حمایت کا اعلان کیا ہے اس موقع پر انہوں نے کہاکہ حلقہ نمبر ایک سے فرقہ واریت کے خاتمے کیلئے ضروری ہے کہ فیصلے مساجد اور امام بارگاہوں سے باہر نکل کر کئے جائیں اورعوام کو سیاسی بنیادوں پر قیادت کے انتخاب کیلئے آگے بڑھ کر اپنا کردار ادا کرنا ہوگا حلقہ نمبر 1 کے عوام مذہبی بنیادوں پر قیادت کے انتخاب سے تنگ آچکے ہیں اور تبدیلی روشن مستقبل کیلئے ضروری ہو چکی ہے حافظ حفیظ الرحمان نے کہا کہ گلگت بلتستان بھر میں سیاسی ماحول پیدا کرنے کی ضرورت ہے اورہم اعلیٰ نظریہ کے تحت انتخابات میں حصہ لے رہے ہیں ایک سوال کے جواب میں انہوں نے کہا کہ گلگت بلتستان سے (ق)لیگ کا وجود ختم ہوتا جارہاہے جو جماعت پیسوں کے بدلے وجود میں آتی ہے اس کا یہی انجام ہوتا ہے نثار میمن نے بھی ہماری رقم کے بدلے پارٹی چھوڑنے کی آفر دی تو میں نے جواب دیا کہ رقم دکان کھولنے کیلئے درکار ہوتی ہے میں نے دکانداری نہیں بلکہ سیاست کرنی ہے حافظ حفیظ الرحمان کے ہمراہ پریس کانفرنس سے خطاب کرتے ہوئے نواز لیگ کے نامزد امیدوار برائے حلقہ نمبر ایک جعفر اللہ خان نے کہاکہ میں نے کبھی بھی کامیابی کیلئے مسجد ومحراب وممبر کا سہارا نہیں لیا ہے حلقے سے فرقہ واریت کا خاتمہ اولین ترجیحات میں شامل ہے اس موقع پر شفیق الرحمان نے جعفر اللہ کی حمایت کا اعلان کیا