چلا س (کے ٹو) چیف سیکرٹری گلگت بلتستان بابر یعقوب فتح محمد خان نے کہا ہے کہ عنایت اللہ شمالی پرحملہ پورے خطے کے امن پرحملہ ہے دیامر کے عوام کویقین دلاتا ہوں کہ ملزمان گرفتار ہوں اوراہلیان دیامر صبرکادامن ہاتھ سے نہ چھوڑیں جب تک گلگت بلتستان کی انتظامیہ عنایت اللہ شمالی کے حجرے پرہونے والے دھماکے کے اصل ملزمان کو گرفتار نہیں کرے گی چین سے نہیں بیٹھے گی ان خیالات کااظہار انہوں نے شمالی ہاﺅس میں عنایت اللہ شمالی سے ہونے والی ملاقات میں کیا انہوں نے کہاکہ مجھے امید ہے کہ گلگت بلتستان میں قیام امن کیلئے دیامر کے علماء، عمائدین ، عوام اوریوتھ موومنٹ عنایت اللہ شمالی وانتظامیہ کاساتھ دے کر پائیدار امن کیلئے کرداراداکرینگے انہوں نے شمالی کے حجرے میں ہونے والے دھماکے پرافسوس کااظہار بھی کیا اورکہا کہ انسپکٹر جنرل آف پولیس گلگت بلتستتان کوہدایات دی ہیں کہ وہ اصل ملزمان کوجلد از جلد گرفتار کرکے قرار واقعی سزادے
