نتاشا گلگت بلتستان کی پہلی خاتون پائلٹ ، عزم وہمت کی مثال قائم کردی

اسلام آباد( کے ٹو ) نتاشا پاکستان کی پہلی خاتون پائلٹ ہیں جواس وقت مشرق وسطیٰ میں اپنی خدمات انجام دے رہی ہیں ، ان کاتعلق ضلع غذر سے ہے ۔ نتاشا نے جواردن میں عائلہ ایسوسی ایشن اکیڈمی میںانسٹرکٹر ہیں کے پی این سے گفتگو کرتے ہوئے کہاکہ انہیں پائلٹ بننے کابچپن سے شوق تھا ، اس میں یہ شوق اس وقت پیدا ہوگیا جب و ہ بچپن میں اپنے والد کے ساتھ کراچی اور گلگت کے درمیان فضائی سفر کیا کرتی تھیں ۔ ان کے والد سلطان اللہ بیگ کا تعلق مرچنٹ نیوی سے تھا۔ سلطان اللہ بیگ نے کے پی این کوبتایا کہ پائلٹ بننا بڑی بیٹی کاشوق تھا ، اس کے لئے اس نے محنت کی اورہم نے قربانیاں دیں ،آج ہم اس بات پرخوش ہیں کہ ہماری بیٹی کاشوق پورا ہوگیااور آج وہ پائلٹ ہیں۔ اب ہماری سب سے بڑی خواہش ہیں کہ نتاشا پاکستان آئیں اور پاکستان کی فضائی کمپنی جوائن کریں اوراپنے ملک کی خدمت کریں ۔ نتاشا نے بتایا کہ انہوںنے 2004 میں ایف اے سی کا امتحان پاس کرنے کے بعد لاہور فلاینگ کلب میں داخلہ لیا او ردوسال تک کمرشل پائلٹ کی تربیت حاصل کی اس کے بعد انہوںنے پشاور میں فلائٹ انسٹرکٹر ٹریننگ سکول میں چھ ماہ تربیت حاصل کی اور کمرشل پائلٹ کاباقاعدہ لائسنس حاصل کرلیا اس کے بعد انہیں اردن سے عائلہ ایوسی ایشن اکیڈمی کی طرف سے بطور انسٹرکٹر خدمات انجام دینے کی پیش کش کی گئی انہوںنے یہ پیش کش قبول کرلی اور اب وہاں گلف ائیر کے پائلٹوں کوتربیت دے دی ہیں۔ نتاشا ابھی نوعمر پائلٹ ہیں اس کے باوجود وہ ا یک ہزار گھنٹے تک فلائٹ کرچکی ہیں ۔ نتاشا نے کے پی این سے گفتگو کرتے ہوئے کا کہ پاکستان واپس آکر ملک کی خدمات کرناچاہتی ہیں وہ چاہتی ہیں کہ وہ پی آئی اے میں بطور پائلٹ کام کریں لیکن پی آئی اے کوجوائن کرنے کے لئے ایک طویل پراسیس سے گزرنا پڑتاہے اور اس میں کم از کم دو سال لگتے ہیں اس لئے اب انہوں نے فیصلہ کیا ہے کہ شاہین ائیر لائینز ائیر بلیوکو جوائن کرنے کی کوشش کریںگے۔

Advertisements