|Gilgit Urdu News|myGilgit.com|

نومبر 15, 2009

دھاندلی نہ ہوتی تومتحدہ کے امیدوار بھاری اکثریت سے کامیاب ہوتے، الطاف حسین

Filed under: 1 — mygilgit @ 7:39 شام

لندن(کے ٹو)متحدہ قومی موومنٹ کے قائد الطاف حسین نے کہاہے کہ گلگت بلتستان کے انتخابات میں ایم کیوایم کی تاریخ ساز کامیابی ظلم کی چکی میں پسنے والے ایک ایک مظلوم اور محروم عوام کی کامیابی ہے اور یہ کامیابی اس بات کی نشاندہی کررہی ہے کہ اب غریب ومتوسط طبقہ کے عوام کی حکمرانی کا انقلاب پاکستان کا مقدر بن چکا ہے ۔انشاءاللہ وہ دن بہت جلد آئے گا جب ملک سے متحدہ قومی موومنٹ کے ہاتھوں جاگیرداروں ، وڈیروں ، ناجائز دولت کمانے والے سرمایہ داروں اور لٹیروںکے تسلط کا خاتمہ ہوگا اور ملک کے چپے چپے میں حق پرستی کے نعرے گونجیں گے ۔یہ بات انہوں نے گزشتہ روز حیدرآباد میں ایم کیوایم کے کارکنان اور ہمدردوںکے ایک بڑے اجتماع سے ٹیلی فون پر خطاب کرتے ہوئے کہی جو انہیں گلگت بلتستان کے انتخابات میں کامیابی کی مبارکباد دینے کیلئے ایم کیوایم حیدرآباد زونل آفس پہنچے تھے ۔اجتماع سے ٹیلی فونک خطاب کرتے ہوئے الطاف حسین نے کہاکہ گلگت بلتستان کی 62 سالہ تاریخ میں ایم کیوایم نے پہلی مرتبہ انتخابات میں حصہ لیا اور وہاں اللہ تعالیٰ نے ایم کیوایم کوکامیابی عطا کی ۔ انہوںنے مزید کہاکہ اگر انتخابات میں دھاندلی نہ ہوتی تو متحدہ قومی موومنٹ کے نامزد امیدوار بھاری اکثریت سے کامیاب ہوتے لیکن دھاندلی کے باوجود ایم کیوایم کے نامزد امیدواروں نے جن جن حلقوںمیں دوسری ، تیسری اور چوتھی پوزیشن حاصل کی وہ نہ صرف ایم کیوایم کی کامیابی ہے بلکہ ایم کیوایم پر گلگت بلتستان کے عوام کے اعتماد کا کھلاثبوت بھی ہے کہ اب غریب ومتوسط طبقہ کے عوام کی حکمرانی کا انقلاب پاکستان کا مقدر بن چکا ہے اورانشاءاللہ وہ دن بہت جلد آئے گا جب ملک سے متحدہ قومی موومنٹ کے ہاتھوں جاگیرداروں ، وڈیروں ، ناجائز دولت کمانے والے سرمایہ داروں اور لٹیروں کے تسلط کا خاتمہ ہوگااور ملک کے چپے چپے میں حق پرستی کے نعرے گونجیں گے۔الطاف حسین نے کہاکہ جہاں یہ ملک بھر کے مظلوم عوام کی کامیابی ہے وہاں پاکستان کی مسلح افواج ، رینجرز ، سیکوریٹی کے اداروں ، پولیس اور دیگر قانون نافذ کرنے والے اداروںکی بھی کامیابی ہے جودہشت گردی کے خاتمہ کیلئے مصروف عمل ہیں، ملک کی خدمت کررہے ہیں، حق اور سچ کا ساتھ دیتے ہیںاور پاکستان کی بقاءوسلامتی کیلئے اپنی جانیں نثارکررہے ہیں۔ الطاف حسین نے ایم کیوایم کے تمام کارکنان وہمدرد عوام سے اپیل کی کہ وہ گلگت بلتستان میں ایم کیوایم کی تاریخی کامیابی پر اللہ تعالیٰ کے حضور شکرانے کے نوافل ادا کریں جبکہ ہندو، عیسائی، سکھ او ردیگر مذاہب سے تعلق رکھنے والے کارکنان وعوام اپنی اپنی عبادت گاہوں میں شکرانہ ادا کریں اور متحدہ قومی موومنٹ کی کامیابی کیلئے دعائیں بھی کریں

Leave a Comment »

ابھی تک کوئی تبصرہ نہیں.

RSS feed for comments on this post. TrackBack URI

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s

WordPress.com پر بلاگ.

%d bloggers like this: