|Gilgit Urdu News|myGilgit.com|

نومبر 22, 2009

حکومت سازی مخصوص نشستوں پر انتخابات کے بعد ہوگی، کائرہ

Filed under: Gilgit News — mygilgit @ 12:38 شام

راولپنڈی (کے ٹو) وفاقی وزیر اطلاعات و نشریات و گورنر گلگت بلتستان قمر زمان کائرہ نے کہا ہے کہ گلگت بلتستان اسمبلی کے مکمل ہونے کے بعد حکومت سازی کی جائے گی، عیدالاضحی کے بعد پہلا اجلاس متوقع ہے، ٹیکنو کریٹ اورخواتین کی نشستوں کے بارے میں فیصلہ ابھی باقی ہے۔ وہ ہفتہ کی صبح منیجنگ ڈائریکٹر پاکستان بیت المال زمرد خان کی رہائش گاہ پر منتخب اراکین گلگت بلتستان اسمبلی کے اعزاز میں دئیے گئے ناشتے کی تقریب سے خطاب کررہے تھے۔ ناشتے کی تقریب کی ابتداءمیں پاکستان پیپلز پارٹی کی چیئرپرسن و سابق وزیراعظم محترمہ بے نظیر بھٹو شہید جو کہ 30 نومبر 2007 ءکو زمرد خان کے گھر آئی تھیں کی یاد میں بے نظیر بھٹو کی روح کے ایصال ثواب کےلئے دعائے مغفرت کی گئی۔ ایم ڈی بیت المال زمرد خان نے گلگت بلتستان اسمبلی کے منتخب اراکین کا خیر مقدم کرتے ہوئے کہا کہ گلگت بلتستان کے عوام نے ہمیں جو مینڈیٹ دیا ہے اس پر پورا اترنے کے لئے تمام وسائل اور صلاحتیں بروئے کار لائیں گے اور بے نظیر بھٹو کے مشن کو آگے بڑھائیں گے۔ وفاقی وزیر اطلاعات و نشریات قمر زمان کائرہ نے اپنے خطاب میں تمام منتخب اراکین کو مبارکباد پیش کرتے ہوئے اس توقع کا اظہار کیا کہ وہ گلگت بلتستان کے عوام کے تمام مسائل ترجیحی بنیادوں پرحل کریں گے اور عوام کو اس پہلی منتخب اسمبلی سے جو توقعات ہیں اس پر بھی پورا اتریں گے۔ انہوں نے کہاکہ پیپلز پارٹی عوامی جماعت ہے اور ہمیشہ خدمت کی بنیاد پر آگے بڑھی ہے۔ انہوں نے کہاکہ اسمبلی مکمل ہونے کے بعد حکومت سازی کے عمل کو مکمل کریں گے، عیدالاضحی کے بعد اسمبلی کا پہلا اجلاس ہوگا

1 تبصرہ »

  1. hay update the news daily
    thanks

    تبصرہ از LIAQAT ALI — نومبر 22, 2009 @ 9:11 شام | جواب دیں


RSS feed for comments on this post. TrackBack URI

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s

Create a free website or blog at WordPress.com.

%d bloggers like this: